Kandayu Akan Anak Sakula

1. Ayu Itah Sama Bahajat
Mandurut Kayun Sapaingat
Mangat Tarantang Sakula Tamat
Ranying Hatalla Ilaku Mamberkat

3. Taraniang Sakula Je Kabajuran
Ela Nangkenya Je Sumping Bulan
Palin Sapaingat Jite Ihapan
Bele Sakula Batal Dia Karuan

5. Bawi Hatue Je Dengan Guru
Ela Mahapan Kutak Tanjaru
Ela Kia Mikeh Balaku
Ajar Ingat Kakare Ilmu

7. Kandayu Jituh Je Kilau Peteh
Mangat Tarantang Je Menteng Ureh
Aluh Narusan Sakula Je Kueh
Balajar Ela Je Baka Ureh

9. Rajin Basarah Tuntang Ngandayu
Hajamban Basarah Halajur Balaku
Dengan Ranying Hatalla Ngambu
Mangat Masi Utus Raja Bunu

11. Tinai Ela Je Kalapean
Ranying Hatalla Je Katamparan
Ie Nantisan Danum Kaharingan
Tuntang Mandehen Bulau Hambaruan

13. Tarantang Tinai Ela Mambuka
Jalan Angui Tame Nyaranta
Rajin Badeder Ngarungut Mansana
Ngarungut Badeder Ranying Hatalla

15. Kalute Kia Pander Sarita
Katika Pander Dengan Tundah Kula
Kutak Pander Atur Rata
Ela Nalingau Ranying Hatalla

17. Tuntang Tinai Ije Mambatang
Mangat Tarung Tau Lampang
Aluh Mananjung Pahewan Antang
Ela Sampai Hambaruan Layang

19. Aluh Namuei Tuntang Halisang
Akan Hila Laut Mangentang
Ela Mikeh Itah Manarang
Itah Manetei Tanduhan Usang

21. Tikas Tuh Helu Je Hajat Miat
Mandurut Kayung Je Sapaingat
Bahajat Tarantang Sakula Tamat
Ranying Hatalla Ilaku Mamberkat

2. Kalute Angat Kanahuang
Hajamban Raja Uju Hakanduang
Sapaingat Tandak Panyalembang
Laku akan Garing Tarantang

4. Tinai Amun Jadi Sakula
Ajar Guru Keleh Ingguna
Uras Imisit Ongkos Balanja
Samandiai Ketun Awang Sakula

6. Tarantang Sakula Giat Balajar
Mangat Tau Harati Pintar
Mandurut Uras Je Pikir Akal
Tarantang sakula Je Ela Nakal

8. Bahajat Bamiat Je Ela Kurang
Hambaruan Behas Manyangrn Tingang
Manyampai Raja Uju Hakanduang
Intu Lewu Kangantung Gandang

10. Ganan Tandak Halajur Maja
Malinggar Langit Raja Kuasa
Manyampai Uka Ranying Hatalla
Huang Balai Bulau Paseban Raja

12. Amun Tarantang Tamat Sakula
Bingat Peteh Ranying Hatalla
Kaharingan Tatap Dehen Ihaga
Sampai Petek Langit Inahete

14. Ngarungut Badeder Ela Sambarang
Ela Nalingau Je Tatu Hiang
Ngarungut Badeder Keleh Manarang
Mansanan Kahalap Je Tatu Hiang

16. Uluh Ungkup Je Kaharingan
Kakare Gawi Uras Mansanan
Mansanan Kabujur Tanduhan Huran
Mangat Kalunen Rata Katawan

18. Aluh Nyelem Kalang Labehu
Ela Sampai Je Giring Bulu
Ela Mikeh Itah Mangaku
Itah Manetei Tanduhan Helu

20. Aluh Menda Nyahu Batengkung
Ela Rusak Je Tiruk Itung
Mangat Tau Hagatang Tarung
Peteh Hatalla Itah Manyambung

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s